Nú er brýnt að:
- Breyta verður stjórnarskránni og kosningalögum þannig að allir einstaklingar hafi jafnan kosningarétt og sama atkvæðavægi.
- Vextir og lánakjör verði sambærileg og í nágrannalöndum okkar
- Ríkisvaldið bregðist strax við til að tryggja eðlilega lánastarfsemi til að tryggja hagsmuni fólks og fyrirtækja.
- Verðtrygging lána verði afnumin.
- Tekinn verði upp gjaldmiðill sem tryggir stöðugleika og er tengdur fjölþjóðlegum gjaldmiðli.
- Koma verður til móts við skuldsettar fjölskyldur með því að færa höfuðstól verðtryggðra lána til þess sem hann var 1. október s.l. og gera sambærilegar ráðstafanir vegna myntkörfulána einstaklinga.
- Sækja á um aðild að Evrópusambandinu og leggja undir þjóðaratkvæðagreiðslu þau samningskjör sem kunna að bjóðast. Aðild að Evrópusambandinu kemur ekki til greina nema tryggt sé að það sé í samræmi við hagsmuni Íslands og íslensku þjóðarinnar.
- Rannsaka á spillingu í þjóðfélaginu. Spillingu í stjórnmálum. Spillingu í embættismannakerfinu. Spillingu í fjármálakerfinu. Spillingu í fjölmiðlun.
- Afnema á gjafakvótakerfið með því að beita fyrningarleið.
- Draga verður verulega úr ríkisútgjöldum m.a. með því að skera niður allt bruðl. Leggja á niður meirihluta sendiráða Íslands. Leggja á niður óþarfa stofnanir og starfsemi sem við getum verið án meðan verið er að ná jafnvægi eftir efnahagshrunið.
- Áherslumál mín og stefna í stjórnmálum byggir á vestrænum menningararfi okkar sem grundvallaðar eru á kristilegum lífsskoðunum.
Ég legg áherslu á:
- Virðingu fyrir einstaklingnum og nauðsyn fjölbreytts mannlífs.
- Trúna á einstaklinginn og virðingu fyrir mismunandi áhugamálum og löngunum.
- Lækkun skatta og lækkun opinberra útgjalda.
- Opinber afskipti af einstaklingunum verði sem minnst.
- Réttlátt samfélag þar sem fólkið í landinu hefur umráðarétt á auðlindum þjóðarinnar
- Rétti einstaklingsins til skoðanafrelsis, frjálsrar tjáningar, trúar og frelsis til að kjósa sér lífsstíl.
Einn maður eitt atkvæði:
- Brýnasta breytingin sem þarf að gera á stjórnarskrá og kosningalögum er að tryggja jafnt vægi atkvæða. Einn einstaklingur á ekki að geta haft helmingi meira atkvæðavægi en aðrir eins og nú er.
Valddreifing:
- Takmarka á opinbert vald sem mest þannig að frelsi og réttindi einstaklingsins séu í heiðri höfð. Ríkisvaldið á ekki að hafa með starfsemi að gera sem einstaklingarnir eða félög þeirra geta leyst jafnvel úr hendi eða betur. Í valddreifðu samfélagi er eðlilegt að lögfesta reglur um þjóðaratkvæðagreiðslur um löggjafarmálefni og málefni ríkisins.
Náttúra og umhverfi:
- Einstaklingurinn og opinberir aðilar bera ábyrgð á því og ber að stuðla að sem bestri nýtingu á landsins gæðum þar sem leitast verðið við að nýtingin verði með sjálfbærum hætti.
Rétturinn til atvinnu:
- Full atvinna er undirstaða góðra lífskjara og velmegunar. Grundvöllur fullrar atvinnu er að þjóðfélagið veiti einstaklingunum sem mest frelsi til að reka fyrirtæki sín en vel rekin fyrirtæki sem skila hagnaði eru forsenda fullrar atvinnu.
Velferðarríkið:
- Tryggja verður öllum borgurum landsins viðunandi lífskjör. Gæta verður þess að þeir sem mest þurfa á aðstoð þjóðfélagsins að halda fái nauðsynlega aðstoð. Velferðarkerfið er orðið of flókið og í sumum tilvikum ranglátt. Þess vegna verður að einfalda kerfið og kanna hvort heppilegast sé að breyta velferðarkerfinu í grundvallaratriðum og aðstoða eingöngu þá sem ná ekki viðmiðunartekjum.
Efnahagslíf og skattar:
- Einstaklingarnir eigi að fá að njóta peningarnna sinna í sem ríkustum mæli. Nauðsynlegt er að draga úr skattheimtu hins opinbera og mismun milli skattborgaranna.
Frjáls verslun:
- Á grundvelli einstaklingsfrelsis og atvinnufrelsis verður að tryggja frjálsa verslun, samkeppni og möguleika fólks til að gera sem hagkvæmust innkaup án afskipta hins opinbera.
Ísland í samfélagi þjóðanna:
- Utanríkisstefnu verður að móta í samræmi við hagsmuni íslensku þjóðarinnar.
- Aðild að Sameinuðu þjóðunum, NATO. EES og samstarf Norðurlandaþjóðanna er grundvöllur utanríkisstefnu Íslands.
- Mikilvægasta verkefnið í utanríkismálum er að kanna hvort aðild að Evrópusambandinu þjóni hagsmunum Íslands. Til að fá úr því skorið verður að fara í aðildarviðræður. Að þeim loknum verður þjóðin að taka ákvörðun í þjóðaratkvæðagreiðslu. Ekkert annað en kalt mat á hagsmunum Íslands og íslensku þjóðarinnar kemur til greina við mat á því hvort aðilid að Evrópusambandinu er fýsilegur kostur eða ekki.
Réttaröryggi:
- Styrkja verður lögreglu og löggæslu til að auka öryggi borgaranna. Alþingi verður að gera sér grein fyrir að skipulögð glæpastarfsemi hefur aukist hér á landi á undanförnum árum og þess vegna er brýnt að veita auknum fjármunum til að styrkja lögregluna.
Menntun:
- Börn og unglingar verða að eiga þess kost að geta stundað nám sem hugur og hæfileikar standa til. Auka verður valmöguleika nemenda til að leita sér fræðslu þar sem nemandinn óskar að gera það. Einkaskólar eiga að njóta sama stuðnings og ríkisskólar. Leggja verður áherslu á að menntun sé í háum gæðaflokki þannig að íslenskir nemendur séu jafnan í fremstu röð menntaðs fólks í sínum aldursflokki
Gjaldmiðillinn:
- Tryggja verður að gjaldmiðillinn verði lögeyrir í öllum viðskiptum. Útilokað er að gengi gjaldmiðilsins ráðist á opnum markaði eftir framboði og eftirspurn Við erum minnsta myntkerfi í heimi og þess vegna er nauðsynlegt að gjaldmiðillinn verði tengdur fjölþjóðlegri mynt með vikmörkum til að koma í veg fyrir miklar sveiflur og koma í veg fyrir að íslensk framleiðslufyrirtæki eigi í vök að verjast vegna óeðlilegrar spákaupmennsku með gjaldmiðilinn.
Kirkja og ríki:
- Leggja verður áherslu á gildi kristins menningararfs og kristilegar lífsskoðanir sem er óaðskiljanlegan hluta af viðhorfum og menningu íslensks samfélags.
II. Mannúðleg markaðshyggja:
- Nýta verður kosti frjálsrar samkeppni og tryggja neytendum lágt vöruverð og sem hagstæðust kjör. Mannúðleg markaðshyggja byggir á því að borgararnir séu jafnir fyrir lögunum og njóti til jafns sameiginlegra auðlinda þjóðarinnar.
- Beita verður þjóðfélagsvaldinu til að kostir markaðskerfisins geti notið sín sem best. Þess vegna verður að setja skýr ákvæði um starfsemi á markaði og óréttmæta viðskiptahætti. Gæta verður að því að sameining fyrirtækja og fákeppni leiði ekki til skertrar eða ófullnægjandi markaðsstarfsemi. Gott eftirlit með markaðnum er forsenda virkrar markaðsstarfsemi. Þess vegna á að efla Samkeppnisstofnun, Fjármálaeftirlit, Neytendastofu, embætti Talsmanns neytenda og frjáls félagssamtök neytenda Neytendasamtökin.
- Mikilvægt er að auður safnist ekki á örfáar hendur. Þess vegna ber að nýta skattaleg úrræði til að koma í veg fyrir það.
- Miða verður við að launafólk greiði skatta með sama hætti og fjármagnseigendur. Til að skapa þjóðfélagslegt réttlæti er eðlilegt að allar tekjur séu skattlagðar með sama hætti að undanteknum sérstökum ofurtekjum.
Samfélagsleg ábyrgð fyrirtækja:
- Framleiðendur bera mikla ábyrgð og þurfa að taka tillit til fleiri sjónarmiða en hámörkunar hagnaðar og að aukin framleiðni skili sér í auknum arði til fjárfesta. Framleiðendur verða að gæta að hagsmunum verkafólks og umhverfis og byggja sem mest á að framleiðslan sé sjálfbær en þar sem því verður ekki við komið að þá bæti framleiðendur það tjón sem verður á lífríki svo sem unnt er.
- Gerar verður þá kröfu til framleiðslufyrirtækja að þau flytji ekki atvinnufyrirtæki af landi brott til að nýta sér þræla- og/eða barnavinnu. Þá verður að gera þá kröfu til framleiðslufyrirtækja að þau láti ekki framleiða vörur sínar með þeim hætti að verkafólki sem við þá framleiðslu starfar fái ekki laun sem duga til framfærslu miðað við eðlilegan vinnutíma.
Neytendur: Verðlag- valkostir- kjör- upplýsingar-
- Íslenskir neytendur búa í dýrara umhverfi en íbúar í nágrannalöndum okkar. Forsenda góðra lífskjara í landinu er að framleiðendur og seljendur bjóði neytendum vörur sínar og þjónustu á sambærilegum kjörum og gerist annarsstaðar í okkar heimshluta.
- Lánakjör eru verri hér en í Evrópu og munar mestu að þorri langtímalána á Íslandi til neytenda eru verðtryggð en slík lánakjör þekkist ekki annarsstaðar í okkar heimshluta. Afnema verður verðtryggingu og taka upp gjaldmiðil sem tryggir eðlilega lánastarfsemi.
- Styðja ber þær höfuðáherslur í neytendamálum sem settar hafa verið fram af alþjóðasamtökum neytenda. Öflugt neytendastarf og góður aðbúnaður neytenda er forsenda þess að hugmyndafræðilegur grundvöllur mannúðlegrar markaðshyggju geti verið til staðar.
- Hagstætt verðlag: Afnám verðtryggingar.
- Sjálfstæðisflokkurinn verður að berjast fyrir því að verðlag á nauðsynjum sé svipað hér og í nágrannalöndum okkar.
- Sjálfstæðisflokkurinn verður að berjast fyrir því að við höfum gjaldmiðil sem gengur í alþjóðlegum viðskiptum.
- Sjálfstæðisflokkurinn verður að berjast fyrir því að afnema verðtryggingu lána.
- Mannúðleg markaðshyggja byggir ekki síst á því að aðilar markaðarins, framleiðendur, seljendur og neytendur og lánveitendur og lántakendur hafi þá jafnstöðu að einn geti ekki kúgað annan. Afskipti ríkisvaldsins af markaðnum á fyrst og fremst að vera til að koma í veg fyrir slíka mismunun til að tryggja að um raunverulega frjálsa markaðsstarfsemi sé að ræða.
|
|
|
|
|
